Fredrik Prost lea garraduojár Viikusjávrris eret, unna giláš Vazáš čearus davimus Ruoŧas. Son ráhkada juohkelágan garradujiid. Bajásšaddamis son oinnii čáppa dujiid maid sohka ja iežá olbmot duddjoje ja miella ieš álgit duddjot šattai. Boarrásit duojáriin son oahpai vuođu ja 1995 álggii 15-jahkásažžan ruovttus duddjot. 2001-2004 son váccii golbma jagi Sámiid oahpahusguovddažis Johkamohkis ja beasai oahppat muhtin daid Sámi čeahpimus duojáriin.
Dál son barga beaivválaččat dujiin ealáhussan. Su duojis son geavaha dušše luondduávdnasiid ja vuođđu lea min rikkes Sámi duodjeárbevierru. Árbevirolaš duojis lea juohke oassi dehálaš ja dan dihte son ieš ráhkada visot ávdnasiid dego niibederiid, sastti ja riehti. Meahcis son gávdná sihke ávdnasiid ja bargomovtta.
Prost lea maiddái čálli ja 2023 son almmuhii iežas girjji, DAT lágadusas. Girjjis, man namma lea Leŋges hearggi sáhčal fatnasa, son čilge sámi dološ vuoiŋŋalaš árbevieru. Dat lea vuosttaš girji dán fáttas maid sápmelaš lea čállán, ja vuosttaš girji dán fáttas čállon sámegillii. Jagiid mielde son lea maiddái čállán olu artihkaliid ja oanehis teavsttaid.
Vuollegašvuođain doalvu viidáseappot sámi duodje- ja kulturárbbi boahttevaš bulvii.
Govva: Rebecca Lundh
Deaddil liŋkka oaidnit listtu visot čájáhusain ja bálkkašumiin >>